PALO, LEYTE – Sa usa lamang ka adlaw nga operasyon sa Leyte Provincial Police Office (LPPO) niadtong Octobre 27, pinaagi sa Simultaneous Anti-Criminality Law Enforcement Operation (SACLEO), nasakmit ang kapin sa usa ka milyon ka pesos nga balor sa shabu.
Ang illegal nga drogas nitimbang sa 142.52 gramos og niabot ang kantidad sa one million one hundred thirty three thousand three hundred sixty nine pesos og otsenta centavos (PHP 1,133,369.80). Gikan kini sa usa ka High Value Target (HVT) ug unom ka Street Level Individual (SLI).
Sa maong operasyon usab nasikop ang 43 ka Warranted Person apil ang top 3 sa lungsod sa Sta. Fe nga top 6 sa tibuok Probinsya. Ingon man usab ang laing duha pa ka top 8 Most Wanted sa municipalidad sa Carigara og Palo, Leyte. Narekober usab ang dose (12) ka armas nga walay lisensya.
Gidayig ni PCOL Edwin C. Balles, LPPO Director, ang mga kapolisan tungod sa kalamposan bisan paman sa kabusy nila sa pag pangandam sa kalag-kalag og sa nag sing-abot nga bagyong ‘Paeng’. Pulong pa niya nga naka pa ubos kini sa kriminalidad dinhi sa probinsya.
Kinahanglan mag madasigon pa sa kapolisan pag sumpo sa illegal nga drogas, mga ‘Wanted’ sa balaod og ang mga dili lesinsyadong armas o loose firearms, nagkanayon pa ang mensahi ni Balles. Pinaagi sa SACLEO mas palig-onon pa ang pagsalig og relasyon sa komunidad. Giawhag pod sa Police Provincial Director ang publiko nga ipadayon ang pag suporta sa gobierno sa kampanya niini kontra sa tanang matang sa kriminalidad. Ni Josie Sersena (EV Mail October 31-November 6, 2022 issue)
