BAYBAY CITY – “Pagdumdum ug Padayon”, kini ang tema sa unang komemorasyon sa Tropical Storm ‘Agaton’ niadtong Abril 11, sa Binaybayon Complex ning dakbayan.
Gisugdan kini og Santos nga Misa, gisundan sa candle-lighting isip pag pahinungod sa mga nipanaw nga mga biktima, diin may missing pa hangtod ning panahona.
Usa ka residenti gikan sa Brgy. Kantagnos ang naka komposo ug balak nga “Tula sa Pagbangon” gikan sa mga kinabuhi nga gikutlo sa bagyong ‘Agaton’ Abril 11 sa nilabay nga tuig. Gihulagway niini nga dili man dali mobangon sa onos apan dunay pag laum “Babangon tayong muli.”
Sa mensahi usab ni Congressman Carl Cari gihulagway niini ang hitabo nga usa ka masakit nga kasinatian, gani may mga patay nga lawas nga wala na makub-kob human mataboni sa yuta. Gisaysay usab niya nga lisod mawad-an og minahal sa kinabuhi ingon man mawagtang ang kumunidad nga nadak-an. Angayan pod hinumdoman ang mga ni respondi, mga nitabang sa search and rescue operations, gikan sa nag ka daiyang ahensya sa gobierno hangtod na sa pribadong grupo, mga volunteers ug daghan pang uban.
Samtang si Mayor Jose Carlos Cari nagkanayon nga niining panag tapok karon usa ka tuig ang naka labay; hangtod karon daghan pang himuonon ug daghan pang pangutana nga wala pa matubag. Kon nganung nahitabo man ang trahedya, ug nganu kinahanglan mawala ang Kantagnos? Pero sa litanya sa Pari gipaabot ang mensahi nga “ang Ginoo ray naka hibalo sa rason.”
Nasayran gikan sa Mayor nga duol na sa 100% ang naka setol na sa mga pinoy-anan, pero ubay-ubay pa ang panginahanglan sa permanenting balay; kay temporary shelter lang karon ang sagad gibalhinan sa mga pamilyang biktima sa pagdahili sa yuta. Mensahi sa paglaum ang giluwatan ni Mayor Cari nga “dili ta maluya sa pag ampo.”
Sa laing bahin, si Governor Icot Petilla nipasabot nga importanti ang mga aksyon sa gobierno labi na sa Lokal nga Kagamhanan nga wala kalimti ang mga biktima. Gani mag sabot sila ni Mayor Cari og Congressman Cari aron padayon pang mangita ug kasulbaran sa mga problema, sama sa mga katukoran sa pinoy-anan ug tunghaan.
Sa pag tapos sa ceremonyas nag kanayon si City Administrator Junjun Cayunda nga bisan unsa ka daotan ang nasugatan sa ‘Agaton’ apan ang katawhan sa Baybay naay Kongresista, Gobernador, Mayor ug mga lideres nga wala mag pasagad. Agig pasalamat sa mga nitabang pagkahitabo niadtong nilabay nga tuig gitunol ang mga Certificate of Recognition sa mga indibidual og grupo. Nang apod apod usab ang LGU og food packs para sa mga pamilyang nabiktima. Ni Josie Sersena (EV Mail April 10-16, 2023 issue)
