ORMOC CITY – Duha patay og usa ang nasikop sa managlahi nga operasyon kontra illegal nga drogas sulod sa jurisdiction sa Police Station-1 (PS-1), sakop sa Ormoc City Police Office (OCPO).

Human sa pakig koordinasyon sa PDEA RO8 nag lunsad og buy-bust operation ang hiniusang personnel sa PDEG SOU8 nga gipangulohan ni PLT Ramil Caldona, CIU-SDET ubos kang PLT COL Alex Echon, ug OCMFC pinangunahan ni PLT COL Joel Camacho niadtong Nobiembre 29 mga 1:45 sa kadlawon, didto sa Sesame St. (Purok Sampaguita), Brgy. Cogon, Ormoc City.

Target sa autoridad ang usa ka high value individual (HVI) nga si Paulo Ceasar Pabingwit y Oroc, 42 anyos nga taga Purok 2, Brgy. Naunganan ning dakbayan. May kauban kini niadtong tungora nga naila lang sa alyas “Cabahug”, residenti gihapon sa Brgy. Naungan.

Sa report, aktong mag pinalitay na sa illegal nga drogas apan naka matikod ang mga suspek nga police ang ka transaksyon. Nibunot og armas si alyas “Cabahug” ponting ngadto sa mga poseur-buyer, pero naka lihay si Patrolman Junrey Gabule og PLT Arwin Perez. Ning higayona nibaws na ang autoridad og naigo ang mga suspitsado. Sa pag respondi sa rescue team ni diklara ang nurse on duty nga “zero vital sign” na si Pabingwit og Cabahug.

Narekober sa hitabo ang mga nagka lainlaing kagamitan sa illegal nga drogas sama sa 9 ka plastic supot nga may sulod sa gidudahang shabu, hilabi na ang 48 heat-sealed sa mga packeting may sulod sa gituhuang shabu nga gibana-bana nga motimbang sa 200 gramos og nag kantidad sa kapin sa one million pesos (PHP 1,360,000.00). Ingon man usab ang usa ka caliber .45 nga may serial number 888119 nga may 4 ka buhing bala, ug laing usa pa ka improvised short firearm with 12 gauge. May mga fired cartridge case, nakabuto na og buhing mga bala ug uban pa.

May salapi pod nga PHP 18,520.00 nga naka kustodiya na sa Police Station-1. Samtang ang SOCO nga nag proceso sa hitabo sugod alas 2:30 sa kadlawon alas 7:00 na sa buntag nahuman. Sila pod ang nag kupot sa mayorya sa ebidensya alang sa dugang eksaminasyon og pag proceso. 

Sa laing operasyon sa PS-1 gihapon niadtong Nobiembre 25, alas 3:35AM sa highway sa Brgy. Bantigue nasikop ang ginganlan og Bertuldo Candelario y Malinao alyas “Tuldo”, 46 anyos, taga NHA sa Brgy. Margen ning dakbayan. Napalitan siya og usa ka paketi sa gidudahang shabu balor sa usa ka libo ka pesos (PHP 1,000.00). Nakuha usab sa iyang posisyon ang upat (4) pa ka sachet sa gidudahang illegal nga drogas, kwarta og uban pa. Kasong paglapas sa Section 5 ug Section 11, Article II, RA 9165 ang atubangon ni “Tuldo”. Ni Josie Sersena (EV Mail November 28-December 4, 2022 issue)