SO. LEYTE – Mga 22 gramos kapin kon kulang ang nakuha gikan sa suspek atul sa gipahigayon nga buy-bust operation, pinaagi sa mga elemento sa PDEA8-Southern Leyte Provincial Office (Lead Unit) kauban ang taga Provincial Intelligence Team (PIT) Southern Leyte Regional Intelligence Unit, Southern Leyte Police Provincial Office-Provincial Intelligence Unit, og Tomas Oppus Municipal Police Station.
Didto kini nahitabo sa Brgy. Mag-ata, Tomas Oppus, Southern Leyte niadtong Mayo 15, mga alas 8:33 sa gabii. Ang nadakpan mao si alyas “Rindo.” Nakompiska gikan sa suspek ang tolo (3) ka paketi sa gidudahang shabu, nga gibana-bana nga motimbang sa 22.84 gramos ug may estimated market value nga PHP155,312.00.
Mag-atubang ang suspek sa kaso batok sa RA No. 9165 o ang Comprehensive Dangerous Drugs Act of 2002. Tanggong na ang suspek sa kustodiya sa Tomas Oppus MPS. (Ni Josie Serseña / EV Mail MAY 12-18, 2025 issue)
