ORMOC CITY – Napalgan nga wala nay kinabuhi ang 29 anyos nga olitaw luyo sa pultahan sa ilang balay mga alas 7:00 sa gabii kapin kon kulang niadtong Pebrero 10, 2025.
Kasamtangan siyang nagpuyo sa Purok 5, Brgy. Kadaohan, Ormoc City diin duna siyay gika-puyo pero lumad kini nga taga Brgy. Bitanhuan, Baybay City. Ang 18 anyos nga sales clerk ang naka diskobre sa patayng lawas, tungod kay nag sigi syag sangpit apan walay nitubag sa maong panimalay. Dihang iyang gitulod ang pultahan ug gilili kon dunay tawo, maoy nalingi-an ang biktima nga nag bitay apan wala nay kinabuhi. Hinungdan nga nagpakitabang ang silingan nga nanawag usab ug police.
“Asphyxia by hanging” maoy naka butang sa death certificate niini, ug gani pipila ka oras human na examine sa taga forensics gikuha na ang patay nga lawas sa paryente gikan sa Baybay aron mahipos ug tarong. Naka-estorya sa EV Mail ang iyaan sa biktima, matud pa nga na ilo na kini sa ginikanan, pero sayod sila nga duna syay gika puyo sulod na sa pila ka buwan, apan kasamtangan nga tua sa abroad nag trabaho. Dugang pa sa iyaan nga putong ang iyang pag umangkon ug posibling duna kini gi-hambin nga problema nga naka hukom nalang nga mag hikog. (Ni Josie Serseña / EV Mail FEB. 10-16, 2025 issue)
