BAYBAY CITY – Nawad-an sa pinoy-anan ang baynte nuebe (29) ka pamilya human naogdaw ang baynte singko (25) ka building o mga balay didto sa Zone 8 ug Brgy. Sto. Rosario, ning syudad nga nag sugod mga alas 3:25 sa hapon niadtong Septiembre 20.

Hinuon walay kinabuhi nga nakalas og naangol sa maong sunog nga gidiklara nga under control pagka alas 3:55PM og fire out pagka alas 4:28.

Base sa inisyal nga imbistigasyon, nikabat ang danyos og dul-an tonga sa milyon ka pesos (Php 435,000). Pero giklaro sa Baybay BFP Station nga hayan madugangan pa kini kon maka sumiti na sa danyos ang mga biktima.

Niabot sa “third alarm” ang pagsaka sa estado pinaagi sa deklarasyon ni SINSP Fernando Mandia, Acting Fire Marshall og Ground Commander; hinungdan pod nga gidispatsa aron pag respondi ang lima ka fire truck og uban pang kahimanan pamatay sunog sa estasyon.

Nitabang usab ang mga bombero gikan sa silingan nga lugar sama sa Inopacan, Hilongos, Hindang, Bato, Ormoc City, ingon man ang Baybay City Water Tanker, BERU, CTTMO, PNP, Kabalikat Civicom og ang Fire Brigade sa Brgy. Sto. Rosario. Bisan paman sa dali nga pag respondi sa mga bombero human nadawat ang radio call gikan sa BERU mga alas 3:29PM apan tungod kay gama sa light materials og dikit-dikit pa ang mga struktora, paspas nga nidako ang kayo. Hinuon mapa salamaton ang BFP-Baybay sa dali nga pag imporma kanila og sa mga ni ayuda nga walay namatay o nasakitan nga mga biktima. Padayon pa ang dugang imbistigasyon niini aron pagsuta sa hinungdan og sinugdanan sa sunog. Ni Josie Sersena (EV Mail September 19-25, 2022 issue)