MAASIN CITY – Tiklo ang usa ka tricycle driver sa buy-bust operation nga gilunsad sa personnel sa Maasin City Police Station, PDEA RSET Southern Leyte, 124SAC 12SAB, ug PNP SAF.
Base sa taho sa PCADG, ang suspitsado nga nailhan sa alyas “Niel,” 31 anyos, nasikop didto sa Brgy. Combado, Maasin City niadtong Julyo 13, mga alas 11:25 sa gabii.
Sigun pa usab ni PLTC Jayson Balabarona nasulod sa kategorya nga High Value Individual (HVI), gani atul sa operasyon nikabat sa 50 grams ang nasakmit kaniya nga gidudahang shabu. Nibalor kini sa market value nga three hundred forty thousand pesos (PHP 340,000.00).
Tanggong na si alyas “Niel” sa lockup facility sa Maasin City Police Station human mag atubang sa kasong paglapas sa Section 5 ug Section 11, sa Article II, sa Republic Act 9165 o ang Comprehensive Dangerous Drugs Act of 2002. Mensahi pa sa kapolisan nga mangundang na sa illegal nga bisyo ang mga nalulong niini samtang may panahon pa aron mag bag-o. Ni Josie Sersena (EV Mail July 10-16, 2023 issue)
