ORMOC CITY – Nagpadayon karon ang pag bansay sa 52 ka mga police personnel alang sa Special Weapons and Tactics (SWAT) sulod sa 65 ka adlaw human pormal nga gibuksan niadtong ika duhang semana sa Deciembre.
Ang komposisyon sa second batch nag langkob sa 40 gikan sa Ormoc City Police Office (OCPO) og 12 sa Leyte Provincial Police Office (LPPO) ug ipaubos sila sa rigid training dinhi sa syudad sa Ormoc partikular sa headquarters sa OCPO sa Camp Downes.
Atul sa opening ceremony niadtong Deciembre 12, girepresentahan ni PBGen Joel B. Limson, DRDA si Police Regional Director 8 BGen Rommel Francisco D. Marbil. Samtang ang maong pag bansay pangunahan sa mga instructor gikan sa OCPO og sa NCRPO.
Sa mensahi ni Congressman Richard Gomez, gihatagan niini og gibug-aton ang paghatag sa pinaka maayo para sa mga Ormocanon. Ug gidasig ang mga miembro sa SWAT training course nga mag padayon sa katakus sa tanang panahon, ingon pa siya, “We will continue to bring out what is best for Ormoc City. To the members of this SWAT elite group, continue to become better all the time and God bless.” Samtang si Police City Director Ricohermoso nisanong og nag kanayon nga mag pabilin og ipadayon pa sa OCPO nga luwas ang dakbayan nga poy-an og sa mga mamumohonan. Ni Josie Sersena (EV Mail January 16-22, 2023 issue)
