ALBUERA, LEYTE – Sa pag panguna ni Police Captain Julio G. Tamayo, Jr., na aresto sa Operating Unit sa Albuera PNP ang 53 anyos nga suspek didto sa Sitio Baluarte, Brgy. Tinag-an, Albuera, Leyte pinaagi sa buy-bust operation niadtong Mayo 21.
Ang mga miembro sa SDEU sa Albuera Municipal Police Station (MPS) nakig koordinasyon sa PDEA RO8 kalabot sa maong lakaw nga ni resulta sa pagka sikop sa suspek; human niini mabaligya-e ug usa ka paketi balor ug five hundred pesos (PHP500.00) ang autoridad.
Dugang pa narekober usab sa aktual niyang posisyon ang walo (8) ka pakete sa plastik nga dunay sulod sa gidudahang “shabu.” Lakip na ang gipalit sa police nga usa ka sachet ug ang buy-bust money.
Tungod niini gidasig sa Albuera MPS ang publiko pag hatag kanila sa mga impormasyon; hilabi na usab iyang gipahinumdoman ang tig payuhot sa illegal nga drogas ug uban kriminalidad sa pag hunong na kay hugot ang kampanya sa kapolisan pag patuman sa kahapsay ug kalinaw sa lungsod sa Albuera. Ania ang ilang numero 09055254417 o kaha sa social media accounts – Facebook Account: Albuera Pnp; or Facebook Page: Albuerapnp. Ni Josie Sersena (EV Mail May 20-26, 2024 issue)
