ABUYOG, LEYTE – Nag-lunsad ug buy-bust operation ang elemento sa Abuyog Municipal Police Station kauban ang PDEA VIII-Regional Special Enforcement Team didto sa Brgy. San Isidro, Abuyog, Leyte niadtong Nobiembre 29, 2024 mga alas 8:20 sa gabii.
Arestado ang suspek nga si alyas “Amir.” Na-kompiska sa autoridad gikan sa suspek ang siyam (9) ka sachet sa gi-dudahang shabu nga dunay gi bug-aton nga otso (8) gramos kapin kon kulang; ug dunay estimated market value nga PHP54,400.00. Mag-atubang ang suspek sa kasong kontra illegal nga drugs partikular ang RA No. 9165 o ang Comprehensive Dangerous Drugs Act of 2002. Naka-ditinir na kini sa kustodiya sa autoridad sa Abuyog MPS.
Samtang laing operasyon ang gilunsad sa Brgy. Victory lungsod gihapon sa Abuyog mga alas 11:35 sa gabii niadtong Deciembre 4, 2024. Na aresto si alyas “Ron.” Ug na-kompiska ang unom (6) ka sachet sa gitahapan nga shabu nga nitimbang ug sais (6) gramos diin gi-bana-bana nga nag-kantidad sa PHP40,800.00. Naka kustodiya na usab ang suspek sa Abuyog Municipal Police Station kinsa nag-atubang sa kaso kontra illegal nga drugas o RA No. 9165. (Ni Josie Serseña / EV Mail December 2-8, 2024 issue)
