ALBUERA, LEYTE – Makita ang kalipay sa panagway sa usa ka 90 anyos nga si Maria M. Pingol nga taga Brgy. San Pedro, ning lungsod.
Sa wala pay Semana Santa (Abril 3) nadawat na niya ang ten thousand pesos (PHP 10,000) nga financial assistance. Programa kini sa LGU-Albuera sa pag panguna ni Mayor Sixto Dela Victoria nga gipaagi sa MSWDO, gani ang pundo ubos man sa Office of the Municipal Mayor.
Pahalipay kini sa mga lolo og lola sa lungsod sa Albuera nga moabot sa maong pangidaron una pa moabot sa centenarian (100 years old) diin dunay one hundred thousand pesos (PHP 100,000) nga madawat gikan sa National Government nga programa. Inspirasyon si Maria Pingol sa mga kabatan-onan karon nga matud pa sekreto ang simpling kinabuhi sama sa pagkaon sa preskong utanon og isda nga abunda sa Albuera. Busa lagsik pa siya karon og nanghinaot ang Lokal nga Kagamhanan nga ubay-ubay pa ang maka dawat og ma-enjoy pa ang mga nahibiling tuig sa kinabuhi nga maka oban ang pamilya. Ni Josie Sersena (EV Mail April 3-9, 2023 issue)
