BAYBAY CITY – Usa ka halandomon nga higayon na pod ang pag saolog sa Visayas State University (VSU) karong tuiga, sanglit gihatagan nila og pag ila ang mga naka paambit sa ilang kalampusan.
Ang Presidenti niini nga si Dr. Edgardo Tulin maoy nanguna sa distribusyon ngadto sa mga awardees.
Usa sa naka kuha sa atensyon sa nitambong mao ang Ludevese Family nga maoy naka kuha sa “Family of the Year” award. Gibutyag nga ang pito (7) ka miembro sa pamilya pulos gikan sa VSU og karon malamposon na sa tagsa-tagsa ka karera nga napili. Polong pa nga usa sila ka ehemplo og inspirasyon nga naga gikan sa de kalibre nga institusyon; diin usa ang VSU sa nag unang unibersidad sa nasud.
Samtang ang Guest Speaker nga si Congressman Carl Cari kinsa usa ka produkto sa VSU, kanhing VISCA nag handom sa panahon kada moabot ang kasaulogan sa Anniversary sa iyang elementary og high school dinhi. Gani wala niya damha nga moabot sad ang adlaw nga mamulong siya panahon sa anibersaryo.
Matud sa Kongresista nga ang naani karon nga kalampusan maoy bunga og kabahin sa sinugdanan niini isip usa ka simpling Baybay Agricultural School (BAS) sa 1924. “The milestones of VSU proved how collaboration, years of hard work and sacrifices contributed to the success and gains of this University in 99 years,” ingon pa ni Congressman Cari.
Ug saksi siya sa padayong pag lambo niini pag labay sa katuigan, “I have seen how VSU improved through the years. I know that in the years to come there will be more success and gains that VSU will make especially in research, extension and innovation in different curricular programs. Your commendable efforts, dedication and passion genuinely made the university a world-renowned institution. I am very proud to be a Viscan and even prouder about the achievements of VSU.” Og karon malipayon niyang gi taho nga ang balaodnon nga iyang giduso para sa College of Medicine sa VSU aprobado na sa Kongreso og tuana sa Senado. Kon hingpit na kining mahimong balaod maapil na unya ang VSU sa napolo (10) ka State University sa nasud nga nag tanyag og Doktor sa Medicina; og pinaka una dinhi sa Eastern Visayas. Ni Josie Sersena (EV Mail April 24-30, 2023 issue)
