ALBUERA, LEYTE – Gisaulog sa mga Albueranon ang ika-105th Foundation Day sa lungsod pinaagi sa mga aktibidad sulod sa pila ka simana diin nahuman atol sa mismong adlaw pagka himo nilang usa ka Municipalidad.

Deciembre 19, nag sugod ang kasaulogan sa mga programa nga gipahigayon sa ABC-Terminal Multipurpose Building. Gibida usab sa okasyon ang mga nakab-ot nga kalampusan sa lungsod pinaagi sa State of the Municipality Address, partikular sa kalagsik sa ekonomiya, agrikultura, tourismo ug uban pa.

Sa habig ni Mayor Sixto Dela Victoria, ang anak niini nga si Hon. Liza Dela Victoria maoy namulong sa mga nahimo sa administrasyon. Naka sentro ang mensahi niini sa panag hiusa og kooperasyon sa katawhan aron pag kab-ot sa mga kalamboan sa Albuera. 

Ug ang pagpahigayon pag balik human sa pandemya nga Sibug-Sibug Festival diin nag hugyaw ang nanan-aw sa matag performance sa mga kabataan estudyanting contingents.

Nigawas nga mananaog ang musonod: 3rd placer – DGBZMSF nga naka kuha sab sa Best in Costume ug ang Festival Queen samtang ang 2nd placer – Seguinon Stand Alone og ang ni Champion mao ang Balugo National High School kinsa nidaog pod sa Best in Street Dancing. Nitunol usab sa iyang pasalamat ang Chairperson sa 105th Foundation Day nga si Francis Isabelle Sarsonas, sa mga ni suporta aron mahimong malamposon og sadya ang kasaulogan pag handom sa pagka himo nilang usa nga Municipalidad sa Lalawigan sa Leyte. Naila usab ang Albuera sa ilang Christmas Lights nga maoy bisitahon sa mga lumad man o dayo aron lang pag sud-ong sa kahayag og ka anindot sa lugar hilabi na matag Christmas season. Ni Josie Sersena (EV Mail December 19-25, 2022 issue)