ALBUERA, LEYTE – Hingpit nga gi-almahan sa kapolisan sa Albuera ang nikatap nga impormasyon partikular sa social media ug gitawag nila kini nga “peking balita ug malisyosong alegasyon.”
Kini may kalabutan sa nahitabong pagpusil kang mayoralty candidate Kerwin Espinosa niadtong milabay nga semana. Mismong ang hepe nga si Police Major Angelica L. Sibunga ang nagkanayon nga usa ka makadaut nga impormasyon ang gipahayag nga gi-post sa social media niadtong Abril 14, 2025. Matod pa nga usa ka dakong sayop ang nakabutang sa maong social media page nga matud pa nidawat si Sibunga ug PHP500,000.00 gikan kang Rolan Espinosa. Gawas pa niini may alegasyon usab nga usa ka personnel sa Albuera PNP ang nalambigit sa pagprotekta sa illegal nga drugas.
Kining tanan nga pasangil hugot nga gihimakak sa Albuera Police ug matud pa walay basihanan. Nag-kanayon pa ang kapolisan nga pag-daut kini sa ilang reputasyon. Subli nga gipahayag ni Sibunga ang ilang kamatinud-anon sa serbisyo, ug andam silang mo-kooperar sa imbistigasyon.
Samtang nasayran sa nagpadayong imbistigasyon kalabot sa mga police sa Ormoc nga nahimong “Persons of Interest” (POI) kalabot sa pagpusil kang Espinosa didto sa Brgy. Tinag-an, lungsod sa Albuera. Giluwatan sa kapolisan sa Lalawigan sa Leyte nga niabot sa 14 ka armas ang boluntaryong gitahan sa mga police nga POI. Kini mao ang, (6) ka 5.56 caliber rifles, (2) ka 45 caliber pistol, (1) ka mini uzi submachine gun, ug (5) ka 9mm nga pistola.
Sa pag-beripika sa Leyte Police Provincial Office (LPPO) matud pa, ang lima sa 5.56 caliber rifle, duha ka kalibre 45 ug ang mini uzi submachine gun walay rekord sa rehistro sa Regional Civil Security Unit, busa naa kini sa kategoriya nga “loose firearms.” Hinuon ang usa ka taas nga kalibre sa armas naka-rehistro ug dunay tag-iya. Samtang ang lima ka 9mm nga pistola opisyal nga rehistrado isip issued firearm sa mga police personnel. (Ni Josie Serseña / EV Mail APRIL 14-20, 2025 issue)
