ORMOC CITY – Nikabat sa 55 gramos sa gidudahan nga illegal nga drugas ang narekopo sa autoridad atul sa gipahigayon nga buy-bust operation sa dakbayan sa Ormoc.
Ang mga elemento gi-langkuban sa Ormoc City Police Office-Station 4 kauban ang PDEA VIII-Ormoc City Office/Seaport Interdiction Unit (Lead Unit). Didto kini nahitabo sa Brgy. Bagong Buhay, Ormoc City niadtong Pebrero 8, mga alas 5:20 sa hapon. Gi-ila ang na-aresto nga si alyas “Caloy.” Na-kompiska sa iyang posisyon ang lima (5) ka paketi sa gidudahang shabu nga nitimbang ug 55.20 gramos kapin kon kulang ug dunay estimated market value nga PHP375,360.00.
Mag-atubang ang suspek ug kaso batok sa R.A. No. 9165 (Comprehensive Dangerous Drugs Act of 2002). Gi-kustodiya na karon sa nahisgutang police station. (Ni Josie Serseña / EV Mail FEB. 10-16, 2025 issue)
