ISABEL, LEYTE – Naka rekober ang personnel sa Isabel Municipal Police Station (IMPS), ubos kang Police Major Luis B. Hatton, ug gi abandona nga motorcycle ug may armas pa silang nakita.
Didto kini gi biyaan sa Brgy. Sto. Niño, Isabel, Leyte niadtong Oktobre 8. Ang nalambigit niini mao ang ginganlan ug alyas “Jose,” hingkod ang panuigon ug taga Brgy. Patag, Ormoc City. Matud pa usa siya sa duha nga nag away didto sa Bus Terminal sa lungsod, nga naka alarma sa publiko.
Ang report sa police nag kanayon nga dunay concerned citizen kinsa ni kontak sa hitabo diin dali nga gi respondihan sa estasyon. Apan dali nga naka sibat ang duha ka tawo ug wala na sa crime scene pag abot sa autoridad. Hinungdan nga na biyaan ang motorsiklo, ug gidala na kini sa Isabel Municipal Police Station. Pero dihang gi haw-as na ang motor pag abot sa estasyon, nilugwa ang maong gi tago nga armas nga caliber.38 revolver, kargado kini ug unom (6) ka “live rounds of ammunition.” Ang armas walay serial number o unsa mang marka nga ilhanan.
Gi tugis sa autoridad ang suspek o tag iya sa armas ug sa Mitsukoshi RCX 125 motorcycle (red/black). Nag kanayon ang hepe nga si Hatton, “The Isabel MPS will continue to investigate to ensure the proper filing of cases and the appropriate disposition of the recovered items.” Ug nanawagan sa katawhan nga suportaan ang kapolisan, alang sa kalinaw sa lungsod sa Isabel. Ni Josie Serseña (EV Mail October 7-13, 2024 issue)