MATAG-OB, LEYTE – Nadakpan sa Matag-ob Municipal Police Station (MMPS) ubos sa superbisyon ni Police Major Dennis Ted Clemencio ang tigpa yuhot sa illegal nga drugas pinaagi sa buy-bust operation niadtong Oktobre 24, 2024 sa Brgy. Candelaria, lungsod sa Matag-ob.
Nakig koordinasyon ang Matag-ob MPS Drug Enforcement Unit (DEU) sa taga Philippine Drug Enforcement Agency (PDEA). Ug ni resulta sa pagka sikop ni alyas “Awing,” 40 anyos, laborer, residenti sa nahisgutang barangay. Naka lista siya sa kategoriya nga Street-Level Individual (SLI). Napalitan siya ug heat-sealed transparent plastic sachet nga dunay crystalline substance sa sulod nga gidudahang shabu. Ug may nakuha pa sa iyang posisyon nga dugang pang mga pinutos sa gagmiting nga paketi sa gidudahang drugas, apil na usab ang buy-bust money ug drug paraphernalia.
Human gipasabot sa iyang katungod hinungdan nganu siyang gi dakop, gidala si “Awing” sa Matag-ob MPS. Samtang ang mga ebedensya gidala sa Ormoc City Forensic Unit para sa “quantitative and qualitative examination.” Manubag ang suspek sa kasong pag lapas sa Sections 5 and 11 of Article II of R.A. 9165, as amended by R.A. 10640, kon ang Comprehensive Dangerous Drugs Act of 2002.
Nag pasalamat si Major Clemencio sa aktibong partisipasyon sa publiko alang sa pag sumpo sa kriminalidad partikular sa illegal nga drugas ug matud niya, “This operation is a testament to our relentless fight against illegal drugs. The recently successful arrest reflects our ongoing commitment to keep our community safe and drug-free. Together, we will continue to dismantle drug networks and protect our residents.” Ni Josie Serseña (EV Mail October 21-27, 2024 issue)
