ORMOC CITY – Naabo ang usa ka balay sa Purok 3, Brgy. Kadaohan ning dakbayan human kini nahiagom sa sunog niadtong Nobiembre 12, gibana- bana mga alas 10:10 sa buntag. Naapil og ka sunog ug nahimong casualty ang 26 anyos nga dalaga ug PWD nga si Trixie Anne Sabejon.
Sa report sa BFP Ormoc Station nga mga alas onse pasado (11:30) dihang nadawat nila ang tawag gikan sa operation center kabahin sa insidenti. Sa ilang pag respondi gamit ang duha (2) ka fire truck dala usab nila ang ambulansya human giingon nga dunay biktima.
Nag layout sila dayon sa mga kagamitan pero naugdaw na ang struktura o “fire out status” na sa ilang pag abot sa exaktong lokasyon. Tug-an pa sa BFP nga mga 500 meters gikan sa highway ang maong balay, kip-ot ang dalan ug dili maka sulod ang fire truck. Dali kining na hurot pag lamoy sa kalayo sanglit gama sa nipa og ang bongbong nga mga light materials.
Matud sa inahan sa biktima nga si Mary Jane Revilla nga duna syay gitambongan nga meeting niadtong higayona, og nabiling nag inusara ang anak. Mao nalay iyang naabtan sa pagbalik nga wala na ang ilang pinoy-anan hasta ang iyang anak nga napaig.
Wala gikompirma sa bombero kon “faulty electrical wiring” ang hinungdan sa sunog. Gani si SFO1 Fatima Grace C. Ramada ang Duty Investigator dihang naka hinabi sa EV Mail nagkanayon nga “under investigation” pa ang hitabo. Nasayran usab gikan kaniya nga karong tuiga dunay 21 cases o fire incidents ang ilang narekord apil na ang sunog sa sakyanan, balay, kasagbutan og uban pa. Hinuon ning nag singabot ang kapaskohan may pahimangno si SFO1 Ramada nga mag matngon sa mga gamit, og dekorasyon hilabi na kon gamitan sa koryenti. Sa pag pamalit og series lights siguradohon nga durable o dili mga substandard. Ang mga appliances, extension wires og suga kon dunay sinyales nga depektoso ipasusi dayon sa autorisado. Ug molakaw siguradohon nga naka pawng ang elektrisidad aron malikayan ang disgrasya o trahedya partikular sa sunog. Ni Josie Sersena (EV Mail November 14-20, 2022 issue)
