BAYBAY CITY – Niadtong Mayo 21, 2025, ang North Leyte Provincial Headquarters pormal nga nagpahigayon sa Turnover and Relinquishment of Command Ceremony alang sa upat (4) ka mga Fire Marshall.
Pinasikad kini sa Regional Reassignment Orders nga gi-isyu sa Bureau of Fire Protection Regional Office 8 (BFP8).
Naglakip kini ni Fire Senior Inspector Virnilio Arthur D. Abad nga mobiya na isip Fire Marshall sa Baybay City Fire Station. Adto na siya madistino sa BFP8 isip Acting Chief sa Operations Division. Mopuli kaniya sa pwesto si Fire Senior Inspector Benito Gundelino G. Elona, kinsa usab ang kanhi hepe sa Borongan City Fire Station.
Ingon man usab si Fire Inspector Christina T. Ellis, ang outgoing Municipal Fire Marshal sa Barugo Fire Station, ipasa ang liderato kang Senior Fire Officer 3 Jenelyn M. Irlandez, siya unay ang Officer-in-Charge Municipal Fire Marshall. Sanglit si Fire Inspector Lelis ang madistino na usab isip City Fire Marshal sa Borongan Fire Station.
Gidumala ang ceremonya ni North Leyte Provincial Fire Marshal, Fire Superintendent Marites R. Limbauan, DSC, didto sa buhatan sa Provincial Fire Marshal. Iyang gipasabot nga ang pag-ilis sa mga liderato usa lang ka pormal ug opisyal nga pagpasa sa mga gimbuhaton ug responsibilidad sa BFP. (Ni Josie Serseña / EV Mail MAY 19-25, 2025 issue)
