KANANGA, LEYTE – Sikop sa buy-bust operation ang senior citizen nga si Victor Montesclaros a.k.a. Boy Bao, 66 anyos, taga Riverside, Brgy. Poblacion, Kananga, Leyte.
Usa siya sa gikategorya nga High Value Individual (HVI) diin ang pag baligya og palit sa illegal nga drogas nahitabo gawas sa iyang pinoy-anan mga alas 4:50 sa hapon niadtong Nobiembre 23.
Ang mga autoridad gilangkoban sa elemento sa Kananga Police Station sa pagpanguna ni PCPT James Mark C. Ruiz, ACOP, kauban ang SOU8 nga gipangulohan ni PLT Jose Rodel Villaruel, og taga 93rd IB pinaagi kang 1Lt Julieto Degorio.
Ang suspek nihanyag pagbaligya og duha ka gagmay nga paketi nga may sulod nga white crystalline sa gidudahang shabu sa kantidad nga mil kinyentos pesos (PHP 1,500) ngadto sa operatiba nga si PCpl Robert Ponferrada kinsa nagpaka-aron ingnon nga kustomer og mopalit (poseur buyer).
Ang suspitsado gipasabot sa rason pag-aresto kaniya ug sa iyang katungod sigun sa gilagda sa balaod.
Sa imbentaryo gipresentar sa media ug barangay opisyal ang usa (1) ka heat-sealed plastic sachet nga may sulod sa gidudahang shabu; og laing usa (1) pa ka heat-sealed small cut white/clear plastic straw nga dunay sulod gihapon sa gidudahang shabu.
Samtang atul sa pag-rikisa, nakompiska sa posisyon ni Boy Bao ang mga ebidinsiya sama sa “subscribe money”, tolo (3) ka tag five hundred pesos (PHP 500.00), ug baynti sais (26) ka buok sa heat-sealed plastic sachet. Ang katorse (14) niini may sulod sa gidudahang shabu ug ang dose (12) ka heat-sealed small cut clear straw nga parehong dunay sulod sa gidudahang shabu.
Kini og uban pang na sakmit ang gimarkahan og gipirmahan kining tanan nga gibutangan sa detalyi sa oras, petsa, ug lugar sa pag-aresto.
Dugang pa, may usa ka bundle sa kwarta sa nagka lain-laing denomination nga niabot sa PHP 9,450. Nakompiska pod ang usa ka keypad nga cellphone.
Napa-ilawom na sa inquest proceeding sa korte og kasamtangang gikustodiya pa ang suspek sa Kananga Police Station.
Samtang ang mga kompiskadong ebidinsya dad-on sa crime lab (RCLO) sa Ormoc City diin ang tanang illegal drugs nga nakuha kaniya gibana-bana nga moabot sa tres gramos o nitotal sa kantidad nga PHP 57,000. Sa pakighinabi sa hepe sa K Police Station nga si Police Captain Ruiz, ila pang giawhag nga mokooperar si Boy Bao nga itug-an niini ang iyang source o komprahanan. Ni Josie Sersena (EV Mail November 21-27, 2022 issue)
