ISABEL, LEYTE – Nag dali sa pag respondi ang personnel sa Isabel Municipal Police Station ubos kang PMaj Luis B. Hatton, Officer-in-Charge, human maka dawat sa tawag sa telepono gikan sa Kapitan sa Barangay Bantigue, gabii sa Agusto 29.
Ang taho gumikan sa nadiskobrihan nga usa ka lalaking gituhuan nga nag hikog gamit ang pisi nga gi higot sa punuan sa kahoy didto sa lasang sa Barangay Bantigue, lungsod sa Isabel. Pag dangat sa mga police na obserbahan nila nga wala nay kinabuhi ang biktima nga giila sa alyas “Mulo,” 68 anyos, byudo, walay trabaho, ug senior citizen pensioner nga residenti sa Sitio Looc, Barangay Bantigue, Isabel, Leyte.
Sa inisyal nga imbistigasyon nag kanayon nga daan nang dunay personal nga problema ang biktima; apil na ang kabahin sa pamilya niini, sanglit matud pa ang iyang pag inum sa ilimnong maka hubog. Matud pa atul sa iyang birthday niadtong Augusto 25, wala na kini mahimotang ug na balaka nga basin dili na siya maka dawat sa senior citizen pension.
Ang mga kabanay niini ug kasilinganan usab ni asoy nga ang biktima kanunay nang mag hisgot sa iyang pag hikog, hilabi na gyud ug ma hubog. Sa mga nag lakaw ang adlaw una pa ang kamatayon niini nag dumili na kini pag kaon bisan paman kon may pagkaon siya gikan sa mga paryenti.
Niadtong hapon sa Augusto 29, niadto sa iyang balay ang iyang ig agaw aron hatdan siya ug pagkaon, pero wala kini didto ug walay tawo sa iyang balay. Nag pa tabang kini aron pangitaon si “Mulo” hangtod nga nakit-an kini sa 16 anyos nga dalaga ug gi susi apan wala na gyud siyay kinabuhi.
Sumala sa PNP gi kompirma usab kini sa duty physician sa Isabel Emergency Hospital. Si Police Major Hatton ug ang Isabel MPS nipaabot sa paha subo sa pamilya ug kabanay ug kahigalaan niini. Nag awhag pa kini alang niadtong may mga bug at nga problema nga mangita ug suporta sa mga mahal sa kinabuhi. Kay matud sa maong hepe, nga kada problema may solusyon. “Isabel MPS is here to provide help and assistance to those in need,” nag kanayon si Hatton. Ni Josie Serseña (EV Mail August 26-September 1, 2024 issue)
