BAYBAY CITY – Usa ka sayo nga regalo sa tuig ug garbo dili lang sa mga Baybayanon kon dili alang usab sa mga Leyteño sanglit aprobado na sa lebel sa komitiba ang baloadnon nga giduso ni Cong. Carl Nicolas C Cari.

Kini ang House Bill 4553, kon, “An Act Establishing a College of Medicine in the Visayas State University to be known as the VISAYAS STATE UNIVERSITY COLLEGE OF MEDICINE, and appropriating funds therefor.”

Gipasalamatan ni Cong. Cari sila si Rep. Mark O. Go, Chairman, House Committee on Higher and Technical Education, ug Rep. Joey S. Salceda, Chairman, House Committee on Ways and Means. Malaumon siya sa kalampusan niini sa Kongreso hangtod na nga mapirmahan ni Presidenti Marcos og mahimong hingpit nga balaod; aron makahatag ug oportunidad sa umaabot nga mga doctor dinhi sa lalawigan sa Leyte. Ni Josie Sersena (EV Mail Feb. 20-26, 2023 issue)