ORMOC CITY – Naka dawat ang dakbayan sa Ormoc ug Plaque of Commendation sa ARTA ubos sa Electronic Business One-stop Shop (e-BOSS) program.
Mismong si Secretary Ernesto V. Perez, ang Director General sa Anti-Red Tape Authority, ang nangulo sa mga bisita sa aktibidad nga gipa higayon sa Multipurpose Hall, sa City Hall niadtong Agusto 5.
Sa ngalan sa mga Ormocanon mismong si Mayor Lucy Torres Gomez ang nidawat sa pasidungog atul sa ceremonyas. Gi butyag nga ang Ormoc City ang ika 47th nga syudad sa Pilipinas ug pinaka una sa Probinsya sa Leyte nga naka dawat niining ARTA Commendation. Nag kanayon si Mayor Gomez nga na surprisa siya sa maong kadaugan ug naka padasig pa kini sa ilang pag serbisyo sa gobierno; dungan sa pag awhag pa sa mga empliyado ug opisyales sa kabaranggayan nga mo tinuod sa pag trabaho kay dili tanan may oportunidad pag trabaho sa gobierno.
Sa iyang bahin, si Twinkle Chu, ang Regional Governor sa Chamber of Commerce and Industry, nag kanayon nga silang mga negosyanti labi na ang mga gagmay nga negosyo maoy una ug naka tagamtam ug naka pahimulos sa e-BOSS ubos ss gitawag nga “ease of doing business.” Busa mapasalamaton silang mga negosyanti sa mga lakang nga gibuhat sa dakbayan sa Ormoc. Ni Josie Serseña (EV Mail August 5-11, 2024 issue)
