ORMOC CITY – Dakpan sa kapolisan ubos sa Ormoc City Police Office ang usa ka high value individual nga tigpayuhot sa illegal nga drugas pinaagi sa gilunsad nga buy-bust operation didto sa Purok 5, Brgy. Airport, Ormoc City niadtong Pebrero 25.
Nailhan ang suspek nga alyas “Ren,” 39 anyos, tricycle driver, og residenti sa Brgy. Can-adieng syudad sa Ormoc. Ang operasyon gi-orgnisa sa hiniusang pwersa sa Ormoc City Drug Enforcement Unit (CDEU) kauban sa Ormoc City Police Station 4 og Ormoc City Intelligence Unit.
Ang mga ebedinsya nga nakompiska sa autoridad gikan sa posisyon sa suspek mao ang duha (2) ka heat-sealed transparent plastic sachet nga dunay sulod nga white crystalline o ang gidudahang shabu (subject of sale) nga maoy gipalit sa police nga nag paka-aron ingnun nga kustomer. Ingon man usab ang duha (2) pa ka paketi sa gidudahang shabu (subject of possession), ug ang tolo ka (3) five hundred peso bills (PHP1,500.00) nga bogus money, ug usa (1) ka genuine subscribed five hundred peso bill (PHP500.00) isip buy-bust money.
Ang mga nakompiskang ebedinsya gidala ngadto sa Ormoc City Crime Laboratory para sa Chemical Examination. Samtang ang dinakpan gidala sa Police Station 4. Pasaka-an siyag kaso batok sa RA No. 9165, o ang gitawag nga Comprehensive Dangerous Drugs Act of 2002. (Ni Josie Serseña / EV Mail Feb. 24 -Mar. 2, 2025 issue)
