BATO, LEYTE –Niadtong Hulyo 26, ang elemento sa Bato Municipal Police Station ubos kang PMAJ John Rey R. Layog, ACOP, malamposon nga na aresto ang usa ka Street Level Individual (SLI) sa drug watchlist, pinaagi sa buy bust operation didto sa Brgy. Iniguihan, ning lungsod.
Ang nasikop sa autoridad mao ang 52 anyos nga motorcab driver, minyo ug residenti sa Brgy. Bantigue, Hilongos, Leyte. Nakumpiska gikan kaniya ang mga ebedensya nga unom (6) ka sachet sa gi suspetsahan nga shabu.
Ang aktwal nga timbang niini sutaon pa sa Regional Forensic Unit (RFU) 8. Ang suspek tanggong na sa Bato Municipal Police Station human mapa saka-e ug kasong pag lapas sa Section 5 ug Section 11 Article II sa R.A. 9165. Nag awhag sa katawhan ang kapolisan sa lungsod sa Bato nga itaho kanila kon dunay mamatikdan nga mag tugaw sa kahapsay ug kalinaw sa lungsod pinaagi sa ilang numero ug social media accounts: Bato Municipal Police Station (Bato MPS) 09985986485; Facebook Account: Bato Pnp; ug Facebook Page: Bato Pulis. Ni Josie Serseña (EV Mail July 29-August 4, 2024 issue)
