ABUYOG, LEYTE – Napuhag sa elemento sa Abuyog Municipal Police Station (Abuyog MPS) ang usa ka drug den pinaagi sa gilunsad nga operasyon didto sa Brgy. Buntay niadtong Inero 30 mag-alas onse ang takna sa tungang gabii (10:57 P.M.).
Kauban nila sa maong buy-bust operation ang taga PDEA-VIII- Leyte Provincial Office (Lead Unit), og taga Northern Samar Provincial Office. Ang mga na-aresto mao sila si alyas “Kaloy” (maintainer); alyas “Pepe” (employee); alyas “Dan” (visitor); ug alyas “Loloy” (co-maintainer) apan naka ikyas kini.
Nakompiska gikan sa mga suspek ang siyam (9) ka paketi sa gidudahang shabu nga ni-timbang kapin kon kulang sa 22.2 gramos ug may estimated market value nga PHP150,960.00. May nakuha usab nga mga illegal drug paraphernalia.
Mag-atubang ang mga suspitsado ug kaso nga paglapas sa RA No. 9165 o ang Comprehensive Dangerous Drugs Act of 2002. Gi-ditinir na sila karon sa Abuyog MPS. (Ni Josie Serseña / EV Mail Jan. 27-Feb. 02, 2025 issue)
