HILONGOS, LEYTE – Napuhag ang mga durogista human nasakpan sulod sa balay nga gihimong drug den.
Arestado ang upat (4) ka lalaki didto sa Brgy. Eastern, lungsod sa Hilongos, Leyte mga alas 8:30 sa gabii niadtong Inero 25.
Ang mga suspitsado mao sila si Eugenio alyas ‘Junjie’ Suarez (maintainer), Julito Biabor (co-maintainer) ug sila si Noel Valdazo og Raymondu Almendras, nga matud pa ning bisita lang sa lugar. Naka rekober ang operatiba og mga kagamitan sa ginadiling drogas apil na ang walo (8) ka heat-sealed transparent sachet nga may sulod nga white crystalline o sa gidudahang shabu.
Gibana bana nga motimbang kini sa 18.9684 gramos ug nag kantidad sa PHP 170,000.00. Tanggong na sa karsel sa Hilongos Police Station ang mga suspitsado nga nag atubang sa kasong pag lapas sa Comprehensive Dangerous Drugs Act o ang RA 9165. Ang hiniusang operasyon gilangkuban sa Leyte drug operatives, PDEA RO8-RSET, kauban ang taga LPPO og SIU, PIT So. Leyte RIU og ang Hilongos Police Station. Ni Josie Sersena (EV Mail January 23-29, 2023 issue)
