ORMOC CITY – Nadakpan na ang dugay nang gi-monitor sa autoridad ang ilang gidudahang namaligya ug illegal nga drugas pinaagi sa gilunsad nga operasyon sa NHA Housing sa Brgy. Margen ning syudad niadtong Abril 24, 2025.
Ang buy-bust operation sa Ormoc City Police Station 3 (OCPS-3), ubos sa liderato ni Police Major Omar Roel B. Cartalla sa pakig-koordinasyon sa Philippine Drug Enforcement Agency 8 (PDEA-8), ni-resulta sa pagka-aresto sa Street Level Individual (SLI) nga si alyas “Tasyo,” 54 anyos, walay trabaho ug residenti sa nahisgutang lugar. Nakalista siya isip usa ka SLI.
Nakompiska sa posisyon sa suspek ang usa (1) ka medium nga paketi, duha ka gagmay nga heat-sealed transparent plastic sachet, nga dunay white crystalline substance o shabu, ingon man ang usa (1) ka five hundred peso (PHP500.00) bill nga buy-bust money. Bolhog na ang suspitsado sa custodial facility sa OCPS-3 sa kasong pagtinir og pagpamaligya ug illegal nga drugas. (Ni Josie Serseña / EV Mail APRIL 21-27, 2025 issue)
