KANANGA, LEYTE – Arestado ang duha (2) ka suspitsado sa operasyon kontra illegal nga drugas nga gi lunsad sa Kananga Municipal Police Station (KMPS), ubos kang Police Major Romeo Q. Sudario, Jr.
Ang buy-bust operation nahitabo didto sa Sitio Urban Poor, Barangay Poblacion, sa lungsod sa Kananga, niadtong Oktobre 23, 2024. Kauban sa Kananga MPS, ang PNP Drug Enforcement Group (DEG) Special Operations Unit (SOU) 8, og CIT Ormoc, RIU8, RID, ug taga Provincial Drug Enforcement Unit (PDEU) sa Leyte Police Provincial Office (LPPO). Naila ang mga suspitsado nga sila si alyas “Jay,” 41 anyos, usa ka high-value drug personality sa regional level, og alyas “Gar,” 36 anyos, usa ka street-level drug personality.
Ang mga na kompiska gikan kanila nag apil sa selyado nga pakete sa gidudahang shabu, marked money, ug mga drug paraphernalia. Ang mga ebedensya gi turn over sa Forensic Unit 8 sa Camp Jorge Downes, Ormoc City Police Office, para sa laboratory examination. Nag atubang ang mga suspek sa kaso batok sa Sections 5, 11, and 12, Article II of Republic Act 9165, o ang Comprehensive Dangerous Drugs Act of 2002.
Ni pahi mangno ang hepe sa kapolisan sa Kananga nga seryoso sila pag protektar alang sa kaugmaon sa mga Kanangahanon kontra sa kriminalidad, ug miingon siya nga, “The Kananga Police remains resolute in our efforts to protect our community from illegal drugs. Our mission is to ensure a safer future for the next generation.” Ni Josie Serseña (EV Mail October 21-27, 2024 issue)
