ORMOC CITY – Duha ka pamilya ang gisugat og trahedya duha ka adlaw human ang Chinese New Year, human mahi agom sa sunog ang ilang pinoy-anan, buntag sa Inero 25.
Ang mga nasunogan mao sila si Nestor Petilos nga gama ang balay sa mixed materials sa kahoy og seminto. Gideklara sa bombero nga totally damaged ang struktura nga diin usab nag sugod ang kalayo. Ug nitapon sa tapad nga gipanag-iya ni Rosita Sedillo, partially damaged ang gideklarang danyos diin 80% sa balay ang nasunog. Kongkreto ang maong pinoy-anan.
Sa report nga nakalap gikan sa BFP Ormoc City Fire Station unang nadawat nila ang tawag sa incidenti mga alas 9:51 sa buntag, ug sa pag panguna ni Fire Chief Inspector Darren P. Baclea-an daling nirespondi ang Fire Fighting Unit didto sa Purok 7, Red Cross Village, Brgy. Bagung Buhay ning dakbayan. Dala sa team ang tolo (3) ka fire truck og usa (1) ka ambulansya sanglit residential area ang lokasyon.
Gipa ubos sa unang alarma ang maong sunog nga gideklarang fire under control pagka alas 10:06 sa buntag ug pinaagi sa Ground Commander nga si SFO2 Albert G. Cabillo gidiklara nga fire out pagka alas 10:25 sa buntag.
Sa inisyal nga imbistgasyon sa Ormoc City Fire Station dunay kapin dos sientos mil ka pesos (PHP 255,000.00) ang danyos sa duha ka residensya nga nasunog. Ipahigayon pa ang dugang imbistigasyon pag tino sa hinungdan niini, nga maoy pinaka unang sunog sa tuig 2023.
Nag pasalamat lang ang kabomberohan ning syudad nga walay kinabuhi nga nakalas o na angol sa maong sunog, uban sa pang hinaot nga dili na mapun-an ang hitabo kay dili lalim ang masunogan. Sa nilabay nga tuig (2022), dunay 23 ka fire incident nga natala sa rekord sa BFP Ormoc City Fire Station. Ni Josie Sersena (EV Mail January 23-29, 2023 issue)
