KANANGA, LEYTE – Nirespondi ang Kananga Municipal Police Station (MPS), ubos kang Police Major Romeo Q. Sudario, sa usa ka insidenti sa pangulata kon Mauling Incident nga nahitabo sa tapad ra usab nga Municipal Gymnasium sulod sa LGU Compound sa Barangay Poblacion, lungsod sa Kananga, mga alas 3:30 sa kadlawn niadtong Deciembre 22.
Nailhan ang biktima nga ai alyas “Reden,” 40 anyos, lalaki, minyo, ug usa ka LGU Employee (GSO Electrician) nga taga Barangay Tagaytay, Kananga, Leyte. Pag-abot sa mga police nag buy-od na sa salog o semento sa gym human kini matud pa sumbaga sa usa ka alyas “Miki,” 36 anyos nga LGU Employee (CSU) gihapon ug taga Sitio Tabunok, Brgy. Poblacion, Kananga, Leyte.
Pinaagi sa Kananga Emergency Response Team (KERT) gidala ang biktima sa Kananga Municipal Hospital aron unta matambalan apan gideklara sa doktor nga dead-on-arrival. Samtang na-aresto ra usab dayon ang suspek ug human pasabta sa iyang katungod gidala sa Kananga MPS. Sumala pa naabtan ang suspek nga natulog sa gym ug nasuko nga gipukaw sa biktima ug maoy sinugdanan sa ilang kalis, hangtod nga nag-away ug napulta pag-kulata ang biktima. Dugang pa pariho silang naka-inom sanglit dunay niaging selebrasyon sa lungsod pila ka oras una sila nahitabo. (Ni Josie Serseña / EV Mail December 23-29, 2024 issue)
