ORMOC CITY – Nagka bangga ang usa ka motorcab og single motor sa may interseksiyon duol sa simbahan sa Fatima sa Brgy. Cogon ning syudad, mga alas 10:30 sa buntag kapin kon kulang niadtong Deciembre 5.
Naagian pa sa EV Mail si Mandelyn Sios-e, hingkod ang pangidaron nga gilili ang gi drayban nga Smash single motorcycle og may plaka nga 0801-0325957; samtang gi istorya siya ni Ronelo Limpangog, 57, nag maniho sa tricycle nga may body number nga 60.
Gikan sa may simbahan ang single motorcycle og padung sa highway sa Toog, ug ang motorcab gikan sa walang bahin patabok unta dihang nag abot sila sa maong interseksiyon.
Walay angkas ang babayi nga driver samtang dunay pasahero ang tricycle nga daling ninaog sanglit wala man naka angkon og danyus ang gi sakyan niini. Samtang niabot dayon ang Ormoc Rescue Team og gilapatan sa first aid si Sios-e.
Naka angkon kini og pangus, bon-og sa nawong human nilagpot ang iyang helmet sa karsada. Napangos usab ang iyang bati-is ug naka angkon og danyos ang gi maniho nga motorsiklo. Gipaabot nila ang police o taga traffic aron masitol o kon kinsa bay sad-an, o kaha mobayad sa danyos sa nadistroso nga motor. Kay polos silang duha morason nga naa sa lugar dihang nahitabo sa karsada. Ni Josie Sersena (EV Mail December 5-11, 2022 issue)
