TACLOBAN CITY – Gi tugis na sa balaod ang duha ka priso nga ni iskapo sa bilanggoan.
Pursigido ang Leyte Police Provincial Office (LPPO), ubos ni PCol. Dionisio DC Apas, Jr., Provincial Director, nga maibalik sa prisohan ang duha ka Person Deprived of Liberty (PDL) ngadto sa Leyte Sub-Provincial Jail sa Brgy. Veloso, Calubian, Leyte, kinsa ni layas mga alas 3:20 sa hapon niadtong Oktobre 31. Ang mga ni ikyas mao sila si Arnel Halichic, 44, residente sa Brgy. Cabalquinto, Calubian, Leyte, og si Reggie Pepito, 32, residenti sa Brgy. Suba, Villaba, Leyte. Pariho silang dunay kaso sa illegal nga drugas (Violation of RA 9165), ingon man ang RA 10591 o illegal possession of firearms and ammunition.
Sa report sa LPPO matud pa, posibli armado ug delikado sila nga mga personalidad. Naka ikyas sila pinaagi sa pag layat sa wala pa mahuman nga kongkretong bongbong dayon padung sa nag paabot nga motosiklo, ug ni pa dagan paingon sa southern part sa lungsod sa Calubian. Human madawat ang taho nagpahigayon dayon ug checkpoint og “manhunt operation” ang pwersa sa Calubian MPS, 2nd LPMFC, Philippine Coast Guard sa Calubian, Provincial Intelligence Unit, ug Leyte Sub-Provincial Jail.
Nag hugpong ang mga autoridad aron madakop ang maong mga priso. Nag kanayon si PCOL Apas nga, “The Leyte Police is working tirelessly alongside other agencies, including the Philippine Coast Guard and Provincial Intelligence Unit, to ensure the swift capture of the escapees. We urge the public to remain vigilant and report any suspicious activity or sighting of the escapees to the nearest police station. Your cooperation is crucial in maintaining the safety and security of our community.”
Busa gi abisohan ang publiko nga dili makig lambigit sa duha ka PDL, hinuon e-report sa kapolisan kon makit-an nila sa komunidad. Padayon usab ang dugang imbistigasyon sa PNP niini nga hitabo. Ni Josie Serseña (EV Mail October 28-November 03, 2024 issue)
