HILONGOS, LEYTE – Arestado ang duha ka lalaki pinaagi sa buy-bust operation nga gilunsad sa mga elemento sa PDEA8-Southern Leyte Provincial Office (Lead Unit), Leyte Provincial Office ug Seaport Interdiction Unit kauban ang Provincial Intelligence Team Southern Leyte-Regional Intelligence Unit 8, ug Hilongos Municipal Police Station, didto sa Brgy. Pontod, Hilongos, Leyte niadtong Abril 22, 2025 mga alas 5:40 sa hapon.
Giila ang mga suspek nga si alyas “Arthur” og alyas “Cindy.” Nakompiska sa ilang posisyon ang unom (6) ka paketi sa gidudahang shabu, nga nitimbang sa 31 gramos kapin kon kulang. Sumala sa autoridad gibana-bana kini nga dunay market value nga moabot sa two hundred ten thousand eight hundred pesos (PHP210,800.00).
Naka-ditinir na ang duha ka suspitsado kinsa mag-atubang ug kasong paglapas sa balaod nga RA No. 9165 o ang Comprehensive Dangerous Drugs Act of 2002. (Ni Josie Serseña / EV Mail APRIL 21-27, 2025 issue)
