TACLOBAN CITY – “Padayon ang laban, padayon ang misyon,” mao kini ang usa sa mga mensahi nga gihatagan ug importansya ni First District of Leyte Congressman og House Speaker Ferdinand Martin Romualdez niadtong Pebrero 7, 2025 nga maoy ika-duhang adlaw sa gipahigayon nga National Tingog Summit 2025 sa Tacloban City.
Sulod sa tolo ka adlaw gikan niadtong Pebrero 6-8, 2025, nagtagbo ang gatusan ka mga leader ug volunteer sa grupo nga gikan pa sa kalungsuran ug syudad gikan sa Luzon, Visayas og Mindanao alang sa nasangpit nga kalihukan. Gitawag nila kini ug selebrasyon sa kalamposan gikan sa mapa-ubsanon nga sinugdanan sa pipila lang ka tawo sa Tacloban City, usa na niini si FMR nga dili pa Kongresista niadtong higayona.
Pag handum pa niya nga 10 ka tuig na ang nilabay gidamgo palang ang Tingog isip usa ka kalihukan nga mag-hatag ug positibo nga panlantaw ug pag-laum. Sa primiro wala pay halos modawat kanila ug mo-tuo sa ilang kawsa nga ang kinabuhi ug ang kakabus dunay alibyo.
Gani, wala sila nilampos sa unang salmot nila sa 2016 nga election. Pero ang grupo wala mohunong sa pag-serbisyo sa Eastern Visayas pinaagi sa paghatag sama sa disaster relief, educational assistance, social services ug uban pa. Pero karon duna nay 210 ka mga Centro ang Tingog Partylist sa tibuok nasud. Nagpasalamat si House Speaker Romualdez sa mga nagpadagan sa 210 ka Tingog Center sa mga nagka-daiyang lugar ug nidugang sa pag-ingon nga pinaagi sa kalig-on sa panaghiusa ug paninguha mahimo pang mo-asenso ang Pilipino kay pulong pa niya, “Ang Tingog nakikinig, nagsisilbi.”
Sa pagkakaron, dunay duha ka Representanti ang Tingog Partylist sa Kongreso nga mao ang asawa ni House Speaker nga si Rep. Yedda Romualdez og Cong. Jude Acidre. (Ni Josie Serseña / EV Mail FEB. 3-9, 2025 issue)
