Dear Atty. Golo,

Ang ako uyab wa kauli pagka “new year” kay na “stranded” sa NAIA.  Nadaot kono ang “equipment” sa “airport” unya way “back-up.” Importante jud ang “back-up.” Ang ako uyab, lima ka tuig na me “steady” wa man manghagad og minyo. Basin di ko pangasaw-on ni Richard. Pwede ko mangita og “back-up”? Kana bang lain nga uyab aron kon di me magkadayon ni Richard, naa gihapoy mangasawa nako. Kon mahibaw-an ko ni Richard, makiha ba ko niya og adultery? Kanang “adultery” mao ba na ang iring-iring? Naa bay “safe” nga iring-iring?

Kaminyoon, Anon

Dear Anon,

Ang krimen nga “adultery” mahimo sa usa ka babaye nga minyo nga makigdug og laing lalake nga dili niya bana (Art. 333, RPC). Uyab pa mo si Richard. Sa ato pa, dili pa mo menyo. Mao nga dili ka makasohan og “adultery.” Peru, pwede ka buwagan ni Richard kon mahibaw-an niya nga duna kay iring. Gusto man kaha ka magminyo, ayaw na paghuna-huna og iring. Ang imo huna-hunaon mao na lang ang “wedding”. Ang iring-iring, negatibo ang “meaning.” Peru kon gusto jud ka og “safe” nga iring-iring,” pangita og ulitawo nga iring.

Imong amigo, Manny G. Golo (EV Mail January 2-8, 2023 issue)