Dear Atty. Golo,

Duha man kaha kabook estudyante namatay sa “hazing.” Wa ba diay ibawal ang “hazing”? Kulbaan bitaw ko sa ako anak basin moapil anang mga “fraternity.” Kumpyansa hinoon ko kay ang iya hilig “eating.” Bintaha na lang bisan dako og gasto basta “safety.” Ngano kulatahon man nila kon mag “hazing”? Ang ako asawa, permi kong kulatahon kon dili mo remit sa sweldo. Pwede ikiha siya nako og hazing? Ang ako asawa sa una, dili man manumbag. Karon, sukad nag menopos permi na man ko sukmagon. Masuko kon di ko modog. Pwede ikiha siya nako og VAWC?

Nagsunod nimo, Armando

Dear Armand,

Segun sa balita, duha ka estudyante ang namatay tungod sa “hazing.” Usa didto sa Manila. Ang lain sa Cebu. Ang “hazing” gibawal na. Ang magpasiugda og “hazing” kon mapamatud-an pwede mapriso sa tibuok kinabuhi (RA 11053). Ang imo anak kay hilig man og “eating”, pa jaginga aron dili kaayo manambok. Ang VAWC, kon “Violence Against Women and Children” para lang sa mga babaye og kabataan nga giabusahan. Sila ang mokiha. Kitang mga laki ang pwede ma priso kon mag-abuso. Bahin sa imo asawa, ayaw siya ikiha og “hazing.” Pauwani siya sa imo “kissing.”

Imo amigo, Manny G. Golo (EV Mail Feb. 27-March 5, 2023 issue)