Dear Atty. Golo,
126 na diay ka tuig ang ato “independence?” Natawo ko 1998. Ang amo Mayor way puli-puli. Sa una, ang Lolo, sunod Anak. Karon, ang amo Mayor ang Apo. Sunod, ang Sungay. Nagpahimo ra ba og “billboard” nagngise, dako seguro ginansya sa mga “Solar lights” nga bag-o pa, anop-op na. Pilay “budget” anang mga poste sa “solar lights” gipabarog sa “highway.” Inig “widening,” gub-on. Alkase na pod ang governo. Peru, ginansya ang politiko. Segurado na daog sunod eleksyon kay may pundo na pamalit og boto. Unsa’y kalainan sa politico og hero? Ngano way epek ang piniliay?
Independent-Minded,
Jared
Dear Jared,
Kapin gatos na katuig ang independensya. Peru, ulipon gihapon kita sa daynastiya. Ang COA Circular No. 2013-004, nagmando pagbutang og “billoard” sa “government projects” aron mahibaw-an ang “budget.” Gidili ang “picture” sa mga politico. Peru nabali. Ang nawong sa politico maoy makit-an. Ang ginansya, gitipigan. Okey lang sa politico kon pobre ang katawhan aron inig eleksyon ang ilang kwarta fiestahan. Ang mga hero, nagpakamatay tungod sa nasud. Ang mga politico, mopatay tungod sa pwesto. Kini tungod kay wa ta kapili sa insakto. Imbis pinili-ay, ang nahitabo pinalitay.
Imong amigo,
Manny G. Golo (EV Mail June 17-23, 2024 issue)
