Dear Atty. Golo,         

Holiday ang July 9 kay Eid Al-Adha, unsa gani na? Lain pod tong Eid Al-Fitr? Ngano mag holiday man sa Muslim nga Kristyano man ta? Asa may buotan, Muslim o Kristyano? Wa ko kadungog ug Muslim nga tsismosa, naa ba? Hain may daghan nga Marites, Muslim o Kristyano. Wa pa lagi ko maminyo kay mahadlok ko makaasawa og tsismosa. Tapulan ra ba ko basin libakon ko. 30 na aho edad. Wa pa pod koy uyab. Magminyo na unta ko. Hain man maayo mag Muslim, pareha ni Robin Padilla aron daghan ang asawa, ha… ha…

Kaminyoon, Marlon

Dear Marlon,

Gipermahan ni Pres. Marcos ang Proc. No. 2 naghimo sa July 9 nga “holiday” pag obserbar sa Eid Al Adha, kon fiesta sa pagsakripisyo. Lain pod ang Eid Al-Fitr kay bahin to pagtapos sa Ramadan. Miduyog ta pagsaulog sa importanting pagtoo sa mga Muslim kay ato man silang mga igsoon. Pareha nato, daghang Muslim nga buotan. Pareha nato, naa pod sila Marites. Peru mas daghan tingali ang ato. Ayaw na lang pangandoy nga mag Muslim aron daghan og asawa. Di nimo kaya, tapulan ra ba ka. Wa may gani kay usa, ha… ha…     

Imong amigo, Manny G. Golo (EV Mail July 4-10, 2022 Issue)