Dear Atty. Golo,
Diha man kahay referee mitug-an nanglimbong si Manny Pacquiao niadtong fight sa una? Basin nakonsensya mao hingtug-an. Ako bitaw, nakonsensya kay pagkasal namo ni Gorio, nangutana siya kon siya ang nakauna nako. Hing tando ko. Peru, ang nakauna naho si Tonio jud kay gi rape ko niya niadtong 1995. Wa ko motog-an kay basin di modayon si Gorio pangasawa nako. Karon, kon motog-an ko, pwede makiha og rape si Tonio? Ang “theme song” namo ni Gorio mao ang “Ikaduhang Bathala” ni Victor Wood, buhi pa ba siya?
Imong tigbasa, Felisa
Dear Felisa,
Si Victor Wood namatay na niadtong 2021. Wa manlimbong si Pacquiao. Ang gisulti ni Referee Padilla, siya ang midiskarte aron dili mapildi si Manny. Ambot kon unsa ka tinood ang maong estorya. Bahin ni Tonio, me “prescribed” na ang kaso nga “Rape” kay sobra na sa 20 ka tuig ang milabay (Art. 90, RPC). Dili na siya makasohan. Di pod ka angay ma konsensya kay ikaw ang biktima. Si Gorio pod, masakitan lang. “Forgive and forget” na lang. Total, ang kalipay sa kaminyoon dili mag-agad sa makauna kon dili sa moagwanta.
Imong amigo, Manny G. Golo (EV Mail December 5-11, 2022 issue)
