Dear Atty. Golo,
Me “resign” diay si VP Sara? Kinsa may Vice President karon? Nagbuwag na diay sila si BBM? Wa pa man kaha ma “approved” ang divorce? Nagool jud ko. Ganahan ko nilang duha kay pareson. Mo “resign” na laman pod ko sa aho pagka asawa. Gikapoy na ko ning akong bana. Mao pay way trabaho, tapulan kaayo. Inig kabuntag ako pay magloto, atiman sa mga bata. Tapos, moadto ko sa barangay, trabaho sa Tupad. Nagsalig siya sa iya amo si Kapitan kay iya gi-uyab ang pag-umangkon. Pag eleksyon, ang ako bana sinaligan ni Kapitan kay “monitoring.” Karon, nag-iring-iring.
Kabuwagon,
Asun
Dear Asun,
Si VP Sara me “resign” sa iya pagka Secretary sa DepEd. Siya gihapon ang Vice President. Ang pagka VP, 6 yearsang “term” (Art. VII, Sec. 4, Constitution). Ang pagka Secretary, mag-agad sa “pleasure” sa President. Sa una “Uniteam” sila. Karon, “LaingTeam” na. Ang politika dili pod pareha sa pamilya. Ang politico pwede mo “resign” bisan kanus-a. Apan dili pwede mo “resign” ang asawa o bana kay “for life” ang inyoha. Pwede ka mo “resign” pag pangluto. Ang imo bana, pwede pod mo “resign” sa iya iring. Ikaw og ang imo bana, usa ra. Bahala’g way kaon basta kamo gihapon.
Imong amigo, Manny G. Golo (EV Mail June 24-30, 2024 issue)
