Dear Atty. Golo,
Naglukso-lukso si uncle kay extended kono ila term hangtod 2029, tinood? Kapitan ako Tiyo. Pagbag-o niya lingkod, silang tanan sa barangay nang “loan” ila garantiya ang “honorarium.” Karon mo loan na pod kono sila kay “extended” ila term. Tungod sa “loan” di na makakuha si Tiyo sa iya “honorarium.” Sige na lang siya “issue” og ticket sa “last 2,” anha sa Brgy. Hall. Okey ra ba? Lainan ko magtan-aw. Peru, ingon si Congressman, okey kay iya man tawo. Mga “honorable” ni sila. Naa diay “honorable” sugarol?
UmangkonNiKapitan,
Paran
Dear Paran,
Dunay balaodnon gisang-at sa Kongreso paglugway sa termino sa mga Brgy. Officials hantod unom ka tuig (HB 10747). “House Bill” pa lang, wa pa na mahimong balaod. Depende sa Kongreso kon ila ipasar unya aprobahan sa Presidente. Ang Last 2, sugal nga gidili sa balaod (RA 9287). Ang mga “public officials” unta maoy mosumpo sa mga “illegal” nga buhat. Sila hinoon ang tigpasi-ugda. Ayaw na lang katinga nga dunay mga “Honorable” nga sugarol. Bintaha na lang kay sa “Honorable” nga kawatan.
Imong amigo,
Manny G. Golo (EV Mail August 12-18, 2024 issue)
