Dear Atty. Golo,
Arang mahala na man ang kuryente. Magtan-aw lang ko sa “meter reader” sa LEYECO, mora na ko makuyapan. Naa man kaha “confidential fund” ang ato OVP nga PHP 500 million, wa jud siya kabadlong sa LEYECO? Ang ako sohol pagka tanod gamitoy kaayo. Maayo unta naa pod me “confidential fund” aron ako espeyahan ako asawa kay nagduda ko niya, molakaw pod kon mag duty ko. Maayo tingali mang “resign” ang taga LEYECO kay dapat sila mauwaw kay mahal pa ang ila “rate” kay sa MERALCO. Kon di sila mo “resign” pwede ako na lang mo “resign” pagka tanod aron ako maespeyahan ang ako asawa?
Kakuyapon, Albun
Dear Albun,
Ang OVP nangayo pa sa kongreso og “confidential fund” nga PHP 500 million para sa 2023 kay sila man ang maggahin og pondo bahin niini (Art. VI, Sec. 24, Constitution). Ang LEYCO “retailer” og “power” og mag-agad sila sa “rate” sa ila “supplier.” Mahal tingali nila ang ila “supplier” mao mahal pod ang ila “rate.” Ikaw bitaw, mahal man nimo ang imo asawa mao kaya nimo mo “resign” aron maka concentrate niya. Apan ayaw pag “expect” mo “resign” ang ato mga “leader” kay mas mahal nila ang kwarta kay sa atoa. “Expect” hinoon perme tang kakuyapon, kay ang ato mga leader way batikon.
Imong amigo, Manny G. Golo (EV Mail September 26-October 2, 2022 issue)
