Dear Atty. Golo,
Niadtong kalag-kalag, pagpanagkot sa sementeryo, ang lubong sa akong asawa, gimarkahan og X, nakurat ko. Wa damha, nagkita me sa ako X sa una, nanagkot pod kay bag-o pa namatay iya bana, 7 months pa. Ako siya gihagad magminyo. Di siya mosogot kay wa pa kono “one year” gikan namatay iya bana. Love jud naho si Jade. Nagkabuwag lang me kay nanglood siya dihang wa nako mahatud sa ila gikan me namista sa Albuera kay giuna nako og hatod ang “bring house.” Ang amo theme song, “Endless Love”, kinsa to nagkanta? Kon maminyo me, pagamita ko sa imo awto ha, way abang, ha..ha..
Imong fan, David
Dear Dave,
Ang awit “Endless Love” gisuwat ni Lionil Richie og nabantog ang maong kanta sa ilang “duet” ni Diana Ross. Ang mga panteyon sa ato sementeryo nga gimarkahan og X, mao kadtong dugay na gilubong og pwede na gub-on ang panteyon kay may plano man nga pagwapohon ang sementeryo. Ang byuda, gidid-an pagminyo og usab hangtod molapas ang 300 ka adlaw gikan namatay ang bana (Art. 351, RA , RPC). Kini aron malikayan ang kalibog kon kinsa ang amahan kon manganak ang byuda. Agwanta gamay. Makasal lagi mo. Ang awto gamita way abang, dad-i lang ko “bring house”, he..he..
Imo amigo, Manny G. Golo (EV Mail November 7-13, 2022 issue)
