Dear Atty. Golo,
Naunsa gigukod man si PRRD ni BBM. Ang mga “die-hard” ni Duterte giapil. Si Quibuloy nadakpan na. Si Col. Garma gi priso. Si Harry Roque dakponon. Sunod, si Duterte nay ipa priso. Si Sara gigamyan ang “budget.” Way ikabawos si BBM. Ang iya Tatay si FM, gipalubong ni PRRD sa Libingan Ng Mga Bayani. Karon, si PRRD iyang gigukod. Naa pa juy ICC nagsamok-samok. Di man si Duterte ang nagpatay ngano ila man pasanginlan. Igo ra man siya nagsogo. Maayo man pod patyon ang mga adik. Modagan man kaha si PRRD og pulong pagka senador, segurado modaug. Nus-a ang “filing?”
DDS,
Luis
Dear Luis,
Oct. 1-8, 2024 ang gitakda sa Comelec pag “file” sa mga COC alang sa May 12, 2025 election. Apan ang Kongreso mipasar og HR No. 1942 nag-awhag sa Comelec pag-uswag sa “filing” ngadto sa Dec. 9. Si Quibuloy gipriso tungod sa iyang mga kaso sa korte. Si Col. Garma gitener kay na “contempt” sa Kongreso. Samtang si Roque nagtago-tago kay gi “contempt” pod sa mga kongresista. Dili si BBM ang nagpapriso nila. Ayaw lang sa hinganli si BBM og way ikabawos, di pa man pwede ipalubong sa mga bayani kay buhi pa man si PRRD. Mientras tanto, magpahayahay lang una siya sa ICC.
Imong amigo,
Manny G. Golo (EV Mail September 16-22, 2024 issue)
