Dear Atty. Golo,
Kadto bang “waiter” nga gipatindog og duha ka oras kay nasuko ang Bayot nga gitawag og Sir, insakto diay to? Dihay nag-ingon makiha kono ang “waiter” og “sexual harassment,” pwede pod “gender discrimination,” tinood? Pareha ra nang kasoha, o lain-lain. Unsa may sakto nga kaso? Ang ako anak kabayoton. Ang iya ngan Sirgio. Ako siya tawgon og Sir. Basin ikiha ko niya og “Violence Against Children.” Ang mga bata karon mosukol na og ginikanan. Ang mga tawo pod wa nay tahuray. Daghan na ta og balaod peru gubot.
GustoKalinaw,
Mrs. Kalaw
Dear Mam Kalaw,
Ang na “trending” nga hitabo sa “server” og sa “customer,” bunga sa wa pagsinabtanay. Ang “server” nagto-o nga ang “customer” laki. Ang “customer” pod nagto-o nga siya baje. Pwede ra man unta to ikatawa. Ang “Anti-Sexual Harassment Law” (RA 7877) og “Anti-Discrimination Against Women” (RA 9710), gitumong pagprotektar sa mga kababayen-an. “Concern” kaayo ta sa balaod sa tawo. Nakalimot ta sa balaod sa Guinoo, labi na ang pagpasaylo (Mark 11:25). Aron malipay, magpasaylo-ay. Kay kon permi mug-ot, gubot.
Imo amigo,
Manny G. Golo (EV Mail July 22-28, 2024 issue)
