Dear Atty. Golo,
Ang ako asawa, namaligya og sebuyas. Gihinganlan siya og “sebuyas queen” kay mahal man ang iya baligya. Ang-ang di mamahal nga mahal man ang palit. Tinood, naay nag “hoarding” sa mga sebuyas. Dili man kaha ma investigahan kay ang “smuggler” igsoon sa First Lady, tinood? Ang ako asawa, di na magpadog naho kay hadlok mapun-an ang amo anak, siyam na man sila kabook. Kon ako siya pugson, ikiha ko niya og “rape”, pwede diay nga asawa man siya nako. Kon mauhon nga ma priso ko kon mamogos sa asawa, adto na lang ko ni Kumare kay “safe” ko niya, ha..ha..
Gitugnaw, Islaw
Dear Islaw,
Segun sa balita, gipasanginlan ni Mon Tulfo ang usa ka dakong tawo nga “smuggler” og sebuyas. Ang gipasanginlan wa moangkon. Karon, si Mon Tulfo nataktak sa iya trabaho. Menus og mahal ang mga produkto sa agrikultura. Tungod kini kay imbis “production” ang tutukan sa kagamhanan, ari na man sa importasyon tungod tingali kay higante ang komisyon. Bahin sa imo asawa, makasohan ka og “rape” kon imo siya pugson. Mao ni desisyon sa Korte Suprema sa kaso Pp. vs. Jumawan (G.R. No. 187495). Ayaw binuangi si Mare kay basin matigbasan ka ni Pare.
Imong amigo, Manny G. Golo (EV Mail Feb. 13-19, 2023 issue)
