Dear Atty. Golo,
Pila ka sundawo ang namatay sa “Fall of Bataan?” Ang mga Hapon, nakiha sila sa ICC? Ngano “holiday” man ang “Fall of Bataan” nga pilde man ta? Kana untang daog maoy “holiday.” Maayo pa ang Araw ng Kagitingan ibalhin ngadto sa Mayo 12 kay eleksyon, ang makadaog maoy mga “leader” nga buhi. Ang mga veterano, patay na man, wa nay mahimo. “Proud” ko sa ahong Lolo nga Mayor kay kada eleksyon tanan botante hatagan tag P 1,000. Mao nay “leader,” mangihatagon. Giingnan ko ni Lolo nga ma Mayor pohon human ni Daddy kay mao may papulihon ni Lolo inig 2028, he..he..
PinangaNiLolo,
Romulo
Dear Dear Romulo,
Mga 70,000 ka mga sundalo nga Filipino og Amercano ang namatay sa pagka pildi sa Bataan niadtong April 9, 1942. Gihimo ang matag April 9 nga “holiday” (RA 3022) aron paghandom sa mga tawo nga mihalad sa ilang kinabuhi alang sa nasud. Wa pay ICC niadto. Ang nag silot sa mga “leader” nga Hapones sa WWII mao ang IMTFE kon “International Military Tribunal for the Far East.” Tahura ang mga Veterano. Ayaw panundog sa imo Lolo. Kadtong P 1,000 iya panghatag, palit kadto sa boto. Ang imo Lolo maoy kurap numero uno. Dili “Leader,” kon dili “Dealer” imo Lolo, hu..hu..
Imong amigo,
Manny G. Golo
Manny G. Golo (EV Mail March 31-April 6, 2025 issue)
