Dear Atty. Golo,
Naglagot ko sa QUADCOM. Only in the Philippines, nga mas “concern” pa sila sa mga adik nga gipatay kay sa mga biktima nga gipatay sa adik. Maayo na sila apilon og patay. Balik-balik ila pangutana. Di ko motoo nila. Looy kaayo si Duterte miadto sa Manila bisan way pamplete. Si Duterte, bright. Gipangutana siya pila iya napatay, ingon siya wa siya maglista. Lupig sila ni Digong. Naglagot ko sa ako ig-agaw giingnan ko nga nailad ni Duterte. Wa ko mailad. Bright ko. Maayo pa moundang ang Quadcom sa ila “hearing” aron di na ko ma “highblood.” Unsaon, aron di na ko ma highblood?
DiLupiganSaKaBright,
Mayet
Dear Mayet,
Ang QUADCOM nag inbistigar “in aid of legislation.” Trabaho sa Kongreso pagpanday og balaod (Art. VI, Sec. 1, 1987 Constitution). Ang mga gipatay sa Adik, nakabawos na kay gipangpatay na ang mga Adik. Ang nangita og hustisya, mao ang mga pamilya sa mga dili Adik nga giapil og patay. Wa ka ka “gets” kay wa man ka maminaw sa “hearing.” Wa ka kasabot mao nga sige ka og bagotbot. Ang mga kongresista maoy nangutana. Adto ka di motoo sa ila gipangutana. Kanang tubag nga way pamplete si Duterte sa Manila, motoo ka niana? Aron di na ka ma “highblood,” ayaw na pailad.
ImongAmigo,
Manny G. Golo
Manny G. Golo (EV Mail November 11-17, 2024 issue)
