Dear Atty. Golo,
Ang amo “congressman” me perma pag “impeached” ni VP. Tinood, 100 milyon kono ang ila perma? Pwede mangayo ko niya bayad sa ako kabaw? Napilde ko kay nagpustaay me si Pare og kabaw nga dili madayon ang “impeachment.” Mao ra ba untay ihawon inig kasal nako “next week.” Nag pasalig man gud si Cong. nga dili ma “impeached” si Inday. Botboton ni amo “congressman.” Pwede ako hangyoon si Jinky nga ma “postpone” amo kasal? Kon di ko hatagan ni Cong., pwede pod siya namo e “impeached” inig “session” namo sa barangay kay konsehal man pod ko sa amo.
Nagmahay,
Konsehal Tagay
Dear Konsehal,
Ang “impeachment” gahum sa Kongreso (Art. XIV, Sec. 2, Constitution). Ang inyo “congressman” nagbuhat lang sa iya katungdanan. Pwede siya mo perma, pwede pod dili. Wa na ko kahibawo bahin anang imo giingon nga 100 milyon. Wa pod ko kahibawo kon mosogot ba si Jinky nga e “postpone” ang inyo kasal, peru, maayo jud kon idayon. Kay mauwaw intawn si Jinky og ang iya pamilya. Ayaw na lang paghishot og “impeachment” kay wa man pod ka kasabot. Ayaw lang pod pagmahay. Pangita og baktin. Madayon lagi ang kasal, ang gusto ni Jinky, ikaw, dili ang kabaw.
Imo Amigo,
Manny G. Golo
Manny G. Golo (EV Mail FEB. 3-9, 2025 issue)
